L-Istitut għas-Servizzi Pubbliċi (IPS) għadda għall-ħruġ taċ-Ċertifikati tat-Taħriġ Diġitali tiegħu f’forma diġitali bl-użu tat-Teknoloġija Blockchain f’April 2021.  Din il-bidla għaċ-Ċertifikati tat-Taħriġ Diġitali, bl-użu ta’ Blockcerts, kienet suċċess.

L-IPS jixtieq jinnotifika lill-parteċipanti kollha tal-korsijiet ta’ taħriġ tiegħu li, mill-2025 ’il quddiem, iċ-ċertifikati diġitali kollha maħruġa mill-IPS se jinkludu n-numru tal-Karta tal-Identità tal-parteċipant.  In-numru tal-Karta tal-Identità, il-forma ewlenija ta’ identifikazzjoni użata f’Malta, se jiżgura li ċ-Ċertifikat Diġitali jkun marbut direttament mal-persuna li f’isimha jinħareġ iċ-ċertifikat.

Sal-lum, inħarġu aktar minn 36,416-il Ċertifikat Diġitali lil dawk li lestew Programmi ta’ Taħriġ u korsijiet individwali mal-Istitut. Fl-2024 biss, inħarġu aktar minn 7127 ċertifikat diġitali tat-taħriġ mill-Istitut.

Aktar informazzjoni dwar l-użu ta’ Blockcerts fl-IPS tista’ tinstab fuq is-sit web tal-IPS billi tagħfas hawn.  Fl-istess paġna, wieħed jista’ jsib ukoll il-links għall-FAQs u l-gwidi dwar Blockcerts.  Jekk teħtieġ aktar assistenza jew għandek xi mistoqsijiet oħra, jekk jogħġbok ikkuntattjana fuq [email protected].