MCAST TEENS TALK 2026

Fl-20 u fil-25 ta’ Awwissu 2026, l-Istitut għas-Servizzi Pubbliċi (IPS) ipparteċipa għal darb’oħra fl-MCAST Teens Talk fil-Kulleġġ tal-Arti, Xjenza u Teknoloġija (MCAST) f’ Raħal Ġdid.

It-talk ipprovdiet lill-istudenti b’ ħarsa lejn id-diversi perkorsi tal-karriera disponibbli fi ħdan is-Servizz Pubbliku ta’ Malta, filwaqt li għenithom jifhmu aħjar l-għanijiet u l-kwalifiki edukattivi meħtieġa biex iwettqu dawn il-professjonijiet.

Il-Career Guidance Professional tal-IPS, is-Sur Cachia, enfasizza d-diversità ta’ karrieri disponibbli u n-natura premjanti tal-ħidma fis-Servizz Pubbliku billi nkorpora logħob interattiv fil-preżentazzjoni tiegħu. Waħda mill-attivitajiet ħeġġet lill-istudenti biex jaħsbu dwar il-karriera potenzjali tagħhom, u għenithom jirriflettu dwar il-ħiliet u l-interessi tagħhom u kif dawn jistgħu jikkontribwixxu biex jibnu Servizz Pubbliku aktar b’saħħtu.

Billi nilħqu studenti żgħażagħ kmieni fl-edukazzjoni tagħhom, l-IPS jgħinhom jiksbu fehim aktar ċar tal-opportunitajiet disponibbli għalihom. Permezz ta’ inizjattivi bħall-MCAST Teens Talk, l-IPS għandu l-għan li tispira l-ambizzjoni u turi li karriera fis-Servizz Pubbliku mhijiex biss professjoni, iżda wkoll opportunità biex tagħmel impatt siewi.