L-applikazzjonijiet issa huma miftuħa għall-IPS Student Scheme - ICT għal studenti rreġistrati f’korsijiet tal-ICT tal-Livell 4 jew il-Livell 6 fl-UM, l-MCAST u Istituzzjonijiet tal-Edukazzjoni Għolja oħra, kif deskritt fis-sejħa tal-PSC. Din l-iskema toffri opportunità eċċellenti għall-istudenti biex jesperjenzaw l-ambjent tax-xogħol u jesploraw karriera potenzjali fis-Servizz Pubbliku. Tipprovdi tranżizzjoni bla xkiel mill-ħajja akkademika għal impjieg full-time, u tippermetti lill-istudenti jiksbu esperjenza prattika siewja waqt li jkomplu bl-istudji tagħhom. Wara li jlestu b’suċċess il-kors tagħhom, l-istudenti jistgħu jistennew mogħdija mingħajr wisq xkiel għal karriera sodisfaċenti fi ħdan is-Servizz Pubbliku ta’ Malta.

L-Iskema tal-IPS toffrilek dawn il-benefiċċji:

• Għażla Esklużiva ta’ Korsijiet: Lista magħżula ta’ korsijiet tal-ICT kif imniżżla fis-sejħa għall-applikazzjonijiet tal-PSC.
• Rata tal-Paga: Aħna nemmnu li l-istudenti għandhom jitħallsu għax-xogħol siewi u d-dedikazzjoni tagħhom. Huwa għalhekk li noffru rata ta’ paga esklużiva għall-istudenti tal-ICT li jieħdu sehem fl-iskema.
• Ħinijiet tax-Xogħol Flessibbli: Nafu kemm jista’ jkun diffiċli li tibbilanċja l-istudju max-xogħol. B’ħinijiet tax-xogħol flessibbli, tista’ torganizza l-iskeda tax-xogħol tiegħek skont l-istudji tiegħek.
• Tranżizzjoni: Minbarra CV aġġornata b’esperjenza tax-xogħol siewja, niżguraw tranżizzjoni bla xkiel mill-iskola għal impjieg full-time.
• Studji Ulterjuri: Noffru wkoll l-opportunità li tavvanza fl-istudji tiegħek sal-Livell 6, u b’hekk ngħinuk tkompli bl-edukazzjoni tiegħek u tibqa’ minn ta’ quddiem fil-qasam tiegħek.

Lest(a) biex taħtaf din l-opportunità? Is-sejħiet fetħu fis-7 ta’ Marzu 2025.

 Għal aktar informazzjoni u biex tapplika:

1. Sejħa għall-applikazzjonijiet għal studenti rreġistrati biex jinħatru bħala ICT Support Officer mat-tlestija b’suċċess ta’ kors li jwassal għal Advanced Diploma / Certificate in IT akkreditat fil-Livell 4 tal-MQF mal-Kulleġġ Malti tal-Arti, Xjenza u Teknoloġija (MCAST), l-Università ta’ Malta (UM) jew kwalunkwe Istituzzjoni tal-Edukazzjoni Għolja rikonoxxuta oħra – Tista’ tapplika minn fuq din il-Link.
   ​
    

Sejħa għall-applikazzjonijiet għal studenti rreġistrati biex jinħatru bħala Systems Administrator jew Systems Analyst mat-tlestija b’suċċess ta’ kors li jwassal għal kwalifika fil-Livell 6 tal-MQF mal-Kulleġġ Malti tal-Arti, Xjenza u Teknoloġija (MCAST), l-Università ta’ Malta (UM) jew kwalunkwe Istituzzjoni tal-Edukazzjoni Għolja rikonoxxuta oħra – Tista’ tapplika minn din il-Link.

Ikkuntattjana fuq 2200 1884 jew [email protected] u aħna niggwidawk fil-passi li jmiss.