L-applikazzjonijiet issa huma miftuħa għal opportunitajiet ta’ impjieg bħala Trainee Tradeperson u Trainee Technician. Din is-Sejħa hija miftuħa għal studenti rreġistrati f’korsijiet mil-Livell 3 sal-Livell 5 fl-MCAST fl-Oqsma tas-Snajja’ u Tekniċi, kif imsemmi fis-sejħa tal-PSC. Din l-iskema toffri opportunità eċċellenti għall-istudenti biex jesperjenzaw l-ambjent tax-xogħol u jesploraw karriera potenzjali fis-Servizz Pubbliku ta’ Malta. Tipprovdi wkoll tranżizzjoni bla xkiel mill-ħajja akkademika għal impjieg full-time mas-Servizz Pubbliku ta’ Malta.

Din l-Opportunità toffrilek:

•             Korsijiet Rilevanti: Lista magħżula ta’ korsijiet tas-snajja’ u tekniċi mil-Livell 3 sal-Livell 5 kif deskritt fis-sejħa għall-applikazzjoni tal-PSC.​

•             Rata tal-Paga: Aħna nemmnu li l-istudenti għandhom jitħallsu għax-xogħol siewi tagħhom. Għalhekk noffru rata ta’ paga esklużiva għall-istudenti tas-Snajja’ bħala parti mill-iskema.

•             Ħinijiet tax-Xogħol Flessibbli: Aħna nifhmu l-importanza tal-bilanċ bejn ix-xogħol u l-edukazzjoni. B’ħinijiet tax-xogħol flessibbli, noffrulek il-possibbiltà li faċilment taġġusta x-xogħol mal-iskeda tal-istudju tiegħek.

•             Tranżizzjoni Bla Xkiel għal Impjieg Full-Time: Minbarra CV aġġornata b’esperjenza tax-xogħol siewja, niżguraw tranżizzjoni bla xkiel mill-iskola għal impjieg full-time.

•             Kompli bl-Istudji Tiegħek: Noffru l-opportunità li tkompli bl-istudji tiegħek sal-Livell 4 u l-Livell 5, biex b’hekk jinfetħu bibien għal avvanzi fil-karriera tiegħek.

Lest li tavvanza fil-karriera tiegħek? Is-sejħiet fetħu fl-14 ta’ Marzu 2025

1. Trainee Tradeperson - Tista’ taċċessa s-sejħa u tapplika minn fuq din il-link.
2. Trainee Technician - Tista’ taċċessa s-sejħa u tapplika minn fuq din il-link.

Ikkuntattjana fuq 2200 1884 jew [email protected] u l-IPS se jiggwidak matul il-proċess.​