Prospectus wara l-ieħor xorta rnexxielna noħorġu b’katalgu ta’ korsijiet b’ideat innovattivi għalikom din is-sena u b’xi korsijiet ġodda mill-aqwa biex jistimulaw l-iżvilupp professjonali tagħkom.

Biex inlaħħqu mad-domandi u l-bżonnijiet emerġenti li l-kollegi kollha tagħna qed jesperjenzaw minħabba l-ambjent tax-xogħol tagħhom li qiegħed dejjem jinbidel, din is-sena se nkunu saħansitra aktar iffukati fuq il-bżonnijiet individwali.  Ippruvajna nallinjaw il-kompetenzi essenzjali ma’ programmi stabbiliti, kif ukoll unitajiet elettivi relevanti għal responsabbiltajiet ta’ xogħol speċifiċi, bl-għan li l-isforzi għall-iżvilupp tal-persunal ikunu aktar sinerġizzati. 

It-taħriġ tagħna jibqa’ għaddej. Għadna nipprovdu dawk il-korsijiet ta’ taħriġ li ħafna minnkom sirtu tistennew u tapplikaw għalihom. Minbarra li żidna programmi ta’ taħriġ ġodda, il-prospectus ta’ din is-sena huwa maqsum ukoll f’taqsimiet li, kif tistgħu tinnotaw, huma differenti minn dawk li kellna fl-IPS s’issa. B’mod ġenerali, dawn it-taqsimiet huma direttament relatati mal-livelli differenti, li għandhom jiffaċilitaw l-identifikazzjoni tat-taħriġ personali. 

Minbarra t-taħriġ tas-soltu tagħna li jsir online u fil-klassi, l-IPS, għall-ewwel darba, qed joffri e-learning permezz tal-pjattaforma online Coursera.  Dawn il-korsijiet huma offruti minn istituzzjonijiet differenti madwar id-dinja, mogħtija minn professjonisti u akkademiċi, u offruti fuq pjattaforma waħda.  Aħna ċerti li se jżidu dimensjoni importanti għall-esperjenza tat-tagħlim tagħkom, mhux biss minħabba l-livell, iżda wkoll għax it-tagħlim issa jista’ jiġi adattat għal skedi tax-xogħol impenjattivi u jsir fil-ħin propju tal-persuna. 

Barra minn hekk, b’differenza mill-aħħar snin, il-korsijiet se jkunu miftuħa għall-applikazzjonijiet matul is-sena kollha. Il-korsijiet se jiġu rreklamati minn żmien għal żmien permezz ta’ fuljetti li tirċievu direttament bl-email, b’links għal paġna tal-iżvilupp personali fuq is-sit web tal-IPS li turi għal liema korsijiet wieħed jista’ japplika f’dak il-mument, li tista’ tiġi aċċessata minn hawn.  Ir-reklamar tat-taħriġ matul is-sena kollha għandu jħeġġeġ lis-superviżuri u lill-impjegati biex jiftakru jitgħallmu ħiliet ġodda u jtejbu oħrajn matul is-sena.    

Fl-aħħar nett, il-Prospectus li jista’ jiġi aċċessat minn hawn, kif ukoll is-sit web tal-prospectus jindikaw b’mod ċar liema taħriġ huwa maħsub għal liema grad, biex jgħinukom tagħżlu l-programmi ta’ taħriġ li huma l-aktar relevanti għall-bżonnijiet tagħkom.

Bħas-soltu, nistennew bil-ħerqa li nilqgħukom għall-programmi tagħna.​