L-Iskemi għall-Istudenti fi ħdan l-IPS huma mfassla biex jipprovdu opportunitajiet strutturati għall-istudenti biex ikunu involuti f’esperjenzi ta; tagħlim prattiċi fid-dinja tax-xogħol reali filwaqt li jikkontribwixxu għall-objettivi aktar wesgħin tal-oqsma ta’ studju rispettivi tagħhom. Dawn l-iskemi ġew żviluppati b’allinjament mal-għanijiet nazzjonali strateġiċi biex:

1. Jappoġġaw l-iżvilupp tal-forza tax-xogħol billi jipprovdu lill-istudenti bil-ħiliet u l-esperjenzi meħtieġa għal tranżizzjoni bla xkiel għar-rwoli full-time hekk kif jiggradwaw.
2. Irawmu l-innovazzjoni u r-riċerka billi jħeġġu lill-istudenti japplikaw l-għarfien akkademiku tagħhom għall-isfidi attwali affaċċjati mill-Amministrazzjoni Pubblika.
3. Jitnaqqas id-distakk fl-għadd ta’ impjegati fl-Amministrazzjoni Pubblika, b’mod partikolari fejn hemm domanda għolja għal ħiliet u għarfien speċjalizzat.

Il-Ministeri kollha għandhom jiżguraw li kull Dipartiment u Entità li jaqgħu taħt ir-responsabbiltà rispettiva tagħhom ikunu mgħarrfa bl-opportunitajiet, il-proċessi, u l-linji gwida eżistenti, sabiex ikunu jistgħu jipparteċipaw fl-iskemi b’mod effettiv u skont l-objettivi tal-IPS.

Skemi Ewlenin għall-Istudenti fi ħdan l-IPS

Bħalissa, l-Iskemi għall-Istudenti fi ħdan l-IPS jinkludu, iżda mhumiex limitati għal dawn li ġejjin: Agħfas fuq l-iskemi ta’ hawn taħt għal aktar informazzjoni dettaljata.