L-Istitut għas-Servizzi Pubbliċi (IPS) joħroġ iċ-ċertifikati tal-programmi/korsijiet KOLLHA f’format diġitali fuq il-blockchain. Iċ-ċertifikat tal-blockchain huwa disponibbli u faċilment aċċessibbli permezz tal-app Blockcerts Wallet li tista’ titniżżel faċilment fuq mowbajl jew tablet. Iċ-ċertifikati jistgħu jitniżżlu wkoll bħala dokument PDF, iżda l-app Blockcerts Wallet tagħtik il-faċilità li jkollok iċ-ċertifikati kollha tiegħek f’post wieħed.
Ġentilment ninfurmawk li ċ-Ċertifikat Diġitali jinkludi n-numru tal-karta tal-identità tiegħek flimkien ma’ informazzjoni oħra relatata mat-taħriġ imwettaq. Dan jiżgura li ċ-ċertifikat diġitali jkun assoċjat direttament mal-persuna li f’isimha jkun inħareġ iċ-ċertifikat.
Backup tal-Email
Ladarba tkun lestejt b’suċċess Programm jew Kors mal-IPS, tirċievi email mingħand “IPS Certification” biex tniżżel iċ-ċertifikat f’format PDF fuq id-desktop/laptop tiegħek u l-kredenzjali minn fuq l-app Blockcerts Wallet.
Meta tirċievi l-email mingħand “IPS Certification” bil-kredenzjali mehmuża, huwa importanti ħafna li żżomm din l-email min-naħa tiegħek, pereżempju billi tibgħatha lill-email personali tiegħek, sabiex ikollok backup tal-kredenzjali tiegħek biex tirreferi għaliha fil-futur.
Issejvja ċ-Ċertifikat bħala PDF
Biex tissejvja ċ-ċertifikat bħala PDF, l-ewwel issejvja l-fajl .json mehmuż mal-email li tirċievi mingħand “IPS Certification” fuq il-laptop/desktop tiegħek, imbagħad ikklikkja fuq https://ips-certification.gov.mt u agħżel il-fajl li tkun issejvjajt u tellgħu fuq din il-link. Il-kredenzjali l-ewwel se tiġi vverifikata. Imbagħad niżżilha bħala PDF. Jekk meħtieġ tista’ wkoll tistampa ċ-ċertifikat.
L-App Blockcerts Wallet
Jekk għad m’għandekx l-app Blockcerts Wallet fuq l-apparat tiegħek tista’ tfittixha fuq il-Google Play Store jew l-App Store. L-installazzjoni tal-app Blockcerts Wallet issa m’għadhiex obbligatorja, iżda hija rrakkomandata ħafna sabiex il-kredenzjali kollha li tirċievi mill-IPS jiġu ssejvjati fuq l-Blockcerts Wallet App.
Biex iżżid iċ-ċertifikat fil-kartiera tiegħek, ikklikkja fuq “Import My Credential” mis-smartphone/tablet fejn hija installata l-app Blockcerts Wallet. Wara tista’ tiftaħ l-email mingħand “IPS Certification” fuq il-laptop jew desktop tiegħek u tissejvja l-fajl .json li tirċievi skont l-istruzzjonijiet fl-email.
Nota Importanti
Żomm f’moħħok li ċ-ċertifikat huwa magħmul minn ŻEWĠ paġni. Għalhekk, huwa importanti li meta ċ-ċertifikat jiġi ppreżentat lil partijiet terzi, jiġu ppreżentati ż-żewġ paġni.
Għal aktar informazzjoni ddettaljata u għajnuna, tista’ tirreferi għal-linji gwida li ġejjin:
.png)